ကမ္ဘာပေါ်တွင် ဗီဇာရရှိရန် အခက်ခဲဆုံးနိုင်ငံများ

ကမ္ဘာပေါ်တွင် ဗီဇာရရှိရန် အခက်ခဲဆုံးနိုင်ငံများ 

ကမ္ဘာတစ်ဝန်းမှာ နိုင်ငံတစ်နိုင်ငံနဲ့ တစ်နိုင်ငံကြား လွတ်လပ်စွာ ကူးသန်းရောင်းဝယ်သွားလာခွင့်ကို နည်းလမ်းမျိုးစုံနဲ့ တည်ဆောက် ယူနေကြပေမယ့် နိုင်ငံတကာခရီးသည်တွေဝင် ရောက်ခွင့်ကို အထူးတင်းကျပ်ထားတဲ့ နိုင်ငံတွေ ကျန်ရှိနေပါသေး တယ်။

တရုတ်နိုင်ငံ။ တရုတ်သံရုံးတွေဟာ ဗီဇာကိစ္စနဲ့ ပတ်သက်လာရင် အရင်ကထက်တောင် ပိုပြီး တင်းကျပ်လာပါတယ်။ သင့်ကိုယ်ရေး အချက်အလက်နဲ့ အခြားသောစာရွက်စာတမ်းတွေကို အဆုံးမသတ်နိုင်အောင် တောင်းခံမှာဖြစ်သလို တရုတ်နိုင်ငံထဲကို သင် စီးနင်း လိုက်ပါသွားမယ့် လေယာဉ်လက်မှတ်တွေကိုပါ တောင်းခံပါတယ်။ ဒါ့ပြင် အဲဒီလေကြောင်း၊ သင် တည်းခိုမယ့် ဟိုတယ်တွေမှာ သင့်နာမည်နဲ့ မှာယူထားတာ အမှန်တကယ်ရှိ၊ မရှိ စုံစမ်းပါသေးတယ်။

တရုတ်နိုင်ငံထဲ သင် နေထိုင်တဲ့ကာလပတ်လုံး အဲဒီဟိုတယ်မှာ သင်အမှန်တကယ်ရှိ၊ မရှိ စုံစမ်းပါသေးတယ်။ တရုတ်နိုင်ငံထဲမှာ ရက်ပေါင်း ၃ဝထက်မကျော်ဘူးဆိုရင် ကြည်ကြည်သာသာ ရှိကြပေမယ့် အဲဒီထက်ပိုပြီး ကြာသွားမယ်ဆိုရင် သင့်ခရီးစဉ်တွေကို အသေးစိတ် တောင်းခံပါလိမ့်မယ်။ တရုတ်ဗီဇာ လျှောက်ဖို့ အရင်ဆုံးရက်ချိန်းတောင်း ရပါတယ်။

ကြိုက်တဲ့ရက်ကို တရုတ်သံရုံးထဲ လမ်းလျှောက်ဝင်သွားပြီး ဗီဇာတောင်းခံလို့ မရပါဘူး။ ဒါကြောင့် တရုတ်ဗီဇာရဖို့ ဆိုတာ လနဲ့ချီပြီး ကြိုတင်စီစဉ်ရပါတယ်။ အီရန်နိုင်ငံ။ ပြည်ဝင်ခွင့်ဗီဇာကို ဘယ်တော့မှ ရှောရှောရှူရှူမရပါဘူး။ ၂ဝ၁၆ ခုနှစ်ထဲမှာ ပိုလို့တောင် ခက်လာပါသေးတယ်။ ဗီဇာစမလျှောက်ခင် Authorization Code လို့ခေါ်တဲ့ ဗီဇာလျှောက်ခွင့်လို ပါသေးတယ်။ အီရန်နိုင် ငံ နိုင်ငံခြားရေးဝန်ကြီးဌာနကနေ သင်ဟာ ဗီဇာလျှောက်ရန်သင့်လျော်မှု ရှိ၊မရှိ အရင်စစ်ဆေးပြီးပေးတဲ့ Code ဖြစ်ပါတယ်။ ဗီဇာ ရဖို့ဝေးလို့ ဗီဇာ စလျှောက်ဖို့တောင် Authorization Code လိုတာပါ။ ဒီ Code ကိုလဲလွယ်လွယ်နဲ့ရတာ မဟုတ်ပါဘူး။ တီဟီရန်အခြေစိုက် အီရန်နိုင်ငံသားပိုင် ခရီးသွားကုမ္ပဏီတစ်ခုခုကနေလျှောက်ပေးမှ တစ်လလောက်နဲ့ရတာပါ။ သင်ဟာ UK, Canada, US ကဆိုရင် အီရန်နိုင်ငံခြားရေးဝန်ကြီးဌာနရဲ့ အသိအမှတ်ပြု ခရီးသွားကိုယ်စားလှယ်တစ်ဦးပါမှ ဗီဇာလျှောက် ဖို့အဆင်ပြေ ပါလိမ့်မယ်။ သင် အီရန်နိုင်ငံထဲ ဘယ်တွေကိုသွားမလဲဆိုတာ အသေးစိတ် မေးမှာမို့ပါ။ အမျိုးသမီးတွေဆိုရင် ပတ်စပို့ ဓာတ်ပုံကို ခေါင်းဆောင်းတစ်ခုခု ဆောင်းထားပြီးမှ ရိုက်ထားရပါတယ်။ ဒီအတိုင်းဆိုရင် သင့်ဗီဇာကို ထည့် စဉ်းစားမှာတောင် မဟုတ်ပါဘူး။

ရုရှားနိုင်ငံ။ Biometric Application လို့ခေါ်တဲ့ လူတစ်ယောက်ရဲ့ ဇီဝအမှတ်အသားများကို အသုံးပြုတဲ့ လုံခြုံရေးစနစ် အသုံးပြု ထားတဲ့  ရုရှားနိုင်ငံကို ပြည်ဝင်ခွင့်ဗီဇာလျှောက်ဖို့ ဆိုတာကလဲ ဗီဇာလျှောက်ဖို့အရေး လူကိုယ်တိုင်သွားပြီး လက်ဗွေနှိပ် ရပါတယ်။ မျက်နှာကို ဓာတ်ပုံရိုက်ခံရပါတယ်။ ခက်တာက ဒီကိစ္စကိုကူညီဆောင်ရွက်ပေးမယ့် ခရီးသွားကိုယ်စားလှယ် ဆိုတာ လိုမျိုး မရှိတာ ပါဘဲ။ ဒီတော့ ရုရှားကိုသွားချင်ရင် ဗီဇာရဖို့ဆိုတာ သင်ကိုယ်တိုင်ပဲ အစအဆုံးလုပ်ရပါလိမ့်မယ်။ သင်ရောက် သွားတဲ့ အခါ လူတန်း ကြီး သိပ်ရှည်မနေအောင်တော့ ဆုတောင်းလိုက်ပါ။

သင့်ဆီမှာ ရုရှားနိုင်ငံသားတစ်ယောက်ယောက်ကနေ ဖိတ်ခေါ်ထားတဲ့ Call Letter ရှိမှ ဗီဇာစလျှောက်လို့ရမှာနော်။ အဲဒီ Call Letter ဆိုတာ ကလဲ ရုရှားနိုင်ငံခြားရေးဝန်ကြီး အသိအမှတ်ပြုရုရှားအခြေစိုက်ခရီးသွား ကိုယ်စားလှယ်ရုံးဖြစ်ဖို့ လိုအပ်ပါတယ်။ Call Letter ရပြီး အွန်လိုင်း ဖောင်ဖြည့်ပြီဆိုရင်လဲ ဂရုစိုက်ပါ။ အမှားလေးနည်းနည်းပါသွားတာနဲ့ သင် Reject ထိသွားပါလိမ့်မယ်။

တာ့ခ်မင့်နစ္စတန်နိုင်ငံ။ ကမ္ဘာပေါ်မှာ တံခါးကိုအတင်းကျပ်ဆုံး ပိတ်ထား တဲ့နိုင်ငံတစ်နိုင်ငံပါ။ ခရီးသွားကုမ္ပဏီတစ်ခု ကိုမငှားဘဲ သင် ဗီဇာမရနိုင်ပါဘူး။ ဗီဇာရဖို့ကလဲ သင်သွားလာမယ့်နေရာတွေမှာ ဟိုတယ်တွေ ကြိုတင် ဘွတ်ကင်လုပ်ပြီးသား ဖြစ်နေရပါမယ်။ အီရန်နဲ့ ရုရှားမှာလိုပဲ Call Letter လိုပါလိမ့်မယ်။ အဲဒီ Call Letter ဆိုတာလဲ တာ့ခ်မင့်နစ္စတန် လူဝင်မှု ကြီးကြပ်ရေးအဖွဲ့ရဲ့ မှတ်ချက်ပါမှ အကျုံးဝင်မှာဖြစ်ပါတယ်။ မှတ်ချက်ရဖို့ကတော့ သုံးပတ်လောက်စောင့်ကြည့်ပါ။ ရမယ်၊မရဘူးဆိုတာ မသေချာပါဘူး။ မှတ်ချက်ရရင် ဗီဇာလျှောက်လိုက်ပါ။ နှစ်ပတ်လောက်တော့ စောင့်ပါ။

အဇာဘိုင်ဂျန်နိုင်ငံ။ ဒီနိုင်ငံမှာ ရုံးပိတ်ရက်များလွန်းတဲ့ ပြဿနာလဲ ပါလာပါတယ်။ အထူးသဖြင့် တစ်နွေလုံးနီးပါး သံရုံးတွေ၊ လူဝင်မှု ကြီးကြပ် ရေးရုံးတွေ ပိတ်ပါတယ်။ ဗီဇာရဖို့ အလွန်ကြန့်ကြာသွားလေ့ရှိပါတယ်။ ပုံမှန် ကမ္ဘာလှည့် ခရီးသွားဗီဇာ ရဖို့ နှစ်ပတ် ခွဲအနည်းဆုံးကြာပါတယ်။ e-Visa ဆို ရင် လေးပတ်ကနေ ခြောက်ပတ်ထိကြာပါတယ်။ ဒါပေမဲ့ e-Visa လျှောက် ထားပြီးရင် ဘာတွေဆက်ဖြစ်နေသလဲဆိုတာကို စုံစမ်းသိရှိနိုင်မယ့်နည်းလမ်း မရှိပါဘူး။ သင်ဟာ အလုပ်တွေအများကြီးလုပ်ပြီး ဗီဇာလျှောက်ထား လိုက်ပြီးတော့ အူကြောင်ကြောင်နဲ့ ရက်ပေါင်းများစွာ ထိုင်စောင့်နေရပါလိမ့် မယ်။

အိန္ဒိယနိုင်ငံ။ ဒီနိုင်ငံမှာ e-Visa စနစ်ကို စတင်ကျင့်သုံးလာတာ မကြာ သေးပါဘူး။ ဒါပေမဲ့ ဖောင်ဖြည့်ရတာချင်းတော့ သိပ်မကွာ လှပါဘူး။ အသေးစိတ်ဆန်လွန်းပြီး ပြန်မှတ်မိဖို့ခက်ခဲလှတဲ့ အချက်အလက်တွေကို တောင်းဆိုပါလိမ့်မယ်။ Browser က ရွေးသေး တယ်။ ကိုယ့်ဘက်က ငွေသွင်းလဲ သူတို့ရဲ့ဗဟိုဘဏ်က ဆာဗာဒေါင်းနေရင် ငွေပေးလို့မရပြန်ဘူး။ ငွေသားချည်း သွားသွင်းမယ် ဆိုရင်လဲ မရဘူး။ e-Visa ဆိုတာ Standard Visa  ဖြစ်သွားလို့ပဲ။ ပြီးရင် Reject ကလဲ အတော်ထိပါတယ်။ Reject ထိသွားရင် အိန္ဒိယသံရုံးကို လူကိုယ်တိုင်သွားပြီး တစ်ဆင့်ပြီးတစ်ဆင့် လျှောက်ရပါလိမ့်မယ်။ အချိန်ပိုကြာ ပြီး ငွေပို ကုန်ပါတယ်။

ထိုင်းနိုင်ငံ။ ဗီဇာမရှိဘဲ ရက် ၃ဝနေလို့ရတဲ့နိုင်ငံတွေကတော့  UK, US, Canada, Australia  ဖြစ်ပါတယ်။ အဲဒီထက် ပိုကြာမယ်ဆိုရင် ဗီဇာလျှောက် ရပါလိမ့်မယ်။ အဝင်တစ်ကြောင်းပဲဆိုရင် ဗီဇာလျှောက်ရတာ လွယ်ပါတယ်။ ဒါပေမဲ့ ထိုင်းနိုင်ငံ ကို တံခါးသဖွယ်မှတ်ယူပြီး တခြားနိုင်ငံတွေကိုလဲ သွားလည်မှာမို့ ထိုင်းနိုင်ငံထဲကို ဝင်လိုက်၊ ထွက်လိုက်လုပ်နေမယ်ဆိုရင်တော့ သင်တင်ပြရမယ့် စာရွက်စာတမ်းစာရင်းဟာ အလွန်ကိုရှည်လျားပါလိမ့်မယ်။ လေယာဉ်လက်မှတ်တွေ၊ သင့်မှာအလုပ် ရှိကြောင်း ထောက်ခံချက်တွေ၊ ဘဏ် ငွေစာရင်းကြေညာချက်တွေနဲ့ အနည်းဆုံးအမေရိကန်ဒေါ်လာ ၇ဝဝဝ နဲ့ညီမျှတဲ့ Show Money တွေ လိုအပ်ပါလိမ့်မယ်လို့ လေ့လာရေးသား တင်ပြ လိုက်ရပါတယ်။

Writer : TMK

Source: Yadanarpon

လာလည်ဖြစ်တဲ့ အတွက် ဘာဘဲဖြစ်ဖြစ် ကျေးဇူး အများကြီးတင်မိပါတယ် နောက်လဲ အလည်ပြန်လာခဲ့ဖို့ စာဖတ်ပရိတ်သတ်အား ဖိတ်ခေါ်ပါတယ် အမှားပါရင် ဝေဖန်အကြံပေးတဲ့အနေနဲ့ comment ရေးပေးသွားပြီးအကြံပြုပေးသွားစေချင်ပါတယ်။ အဆင်ပြေကြပါစေ...ဆက်လက်ကြိုးစားပါအုံးမည်....